రాయల్ ఎన్‌ఫీల్డ్ నుంచి సరికొత్త క్లాసిక్ 350 బాబర్‌


లగ్జరీ బైకుల తయారీ కంపెనీ రాయల్ ఎన్‌ఫీల్డ్ నుంచి కొత్త మోడల్ విడుదల కాబోతుంది. దీని పేరు ‘క్లాసిక్ 350 బాబర్‌.
ప్రస్తుతం క్లాసిక్ 350 మోడల్ అందుబాటులో ఉండగా, ఇప్పుడు దీనిలో బాబర్ డిజైన్‌ను తీసుకొస్తున్నారు. దీనికి సంబంధించిన ఫొటోలు ఆన్‌లైన్‌లో కనిపించాయి. ఈ కొత్త బైక్ ఇండియాలో 2024 ద్వితీయార్థం నాటికి మార్కెట్లోకి వచ్చే అవకాశం ఉంది. అంచనాల ప్రకారం, దీని ధర రూ.

2.2 లక్షలు. ‘క్లాసిక్ 350 బాబర్‌’ 350cc ఇంజన్‌ను కలిగి ఉంటుంది. దీని బాడీ క్లాసిక్ 350 లాగే ఉన్నప్పటికి ఇది పొడవాటి హ్యాండిల్‌బార్, మెరుగైన సీటింగ్‌, LED టర్న్ ఇండికేటర్‌లు, రిమూవబుల్ పిలియన్ సీటు వంటి సదుపాయాలతో వస్తుంది. స్టైలిష్ డిజైన్ కావాలనుకునే వారికి ఇది బాగా నచ్చుతుందని సంబంధిత వర్గాలు పేర్కొన్నాయి. ఈ మోడల్ మార్కెట్లోకి విడుదల అయితే జావా పెరాక్, 42 బాబర్ వంటి ఇతర బైక్‌లకు గట్టి పోటీ ఇచ్చే అవకాశం ఉంది.

See also  Paytm: పేటీఎం వినియోగదారులకి భారీ షాక్.. ఆ డేట్ నుంచి యాప్ క్లోజ్..!