ఎల్‌ఐసీలో ఈ పాలసీ తీసుకుంటే.. నెల నెల రూ. 12 వేలు వస్తాయి తెలుసా..?


డబ్బును సేవ్‌ చేసుకోవడం అనేది కొందరికి మాత్రం ఉండే అలవాటు. అందరూ సేవ్‌ చేసుకుందాం అనుకుంటారు.. కానీ చేయలేరు. రిస్క్‌ లేకుండా పెట్టుబడితే మంచి ఫలితాలను పొందవచ్చు.

పోస్ట్‌ ఆఫీస్‌, ఎల్‌ఐసీలో మంచి మంచి స్కీమ్స్‌ అందుబాటులో ఉన్నాయి. ఎల్‌ఐసీలో ఒక బెస్ట్‌ స్కీమ్‌ ఉంది. దీని ద్వారా నెలకు 12 వేలు పొందవచ్చు. సేవింగ్ స్కీమ్స్ కాకుండా మీరు ఎల్ఐసీ అందించే పాలసీ కొనుగోలు చేయడం ద్వారా కూడా ప్రతి నెలా డబ్బులు పొందొచ్చు.

ఎల్ఐసీ పలు రకాల పాలసీ స్కీమ్స్ అందిస్తోంది. వీటిల్లో జీవన్ శాంతి ప్లాన్ కూడా ఒకటి. ఇందులో మీరు చేరితే ప్రతి నెలా డబ్బులు సొంతం చేసుకోవచ్చు. పెన్షన్ రూపంలో ఈ డబ్బులు లభిస్తాయి. ఎల్ఐసీ న్యూ జీవన్ శాంతి అనేది యాన్యుటీ ప్లాన్. మీరు ఒకేసారి డబ్బులు పెట్టి ఈ ప్లాన్ కొనాల్సి ఉంటుంది. ఇది నాన్ లింక్డ్ నాన్ పార్టిసిపేటింగ్ సింగిల్ ప్రీమియం డిపర్డ్ యాన్యుటీ ప్లాన్. ఈ పాలసీ కొనే సయమంలోనే మీకు గ్యారంటీ యాన్యుటీ రేటు చెప్తారు. అందుకు తగినట్లుగా మీకు పెన్షన్ వస్తుంది.

మీరు ఈ పాలసీ కొంటే రెండు యాన్యుటీ ఆప్షన్లు ఉంటాయి. డిఫర్డ్ యాన్యుటీ ఫర్ సింగిల్ లైఫ్, డిఫర్డ్ యాన్యుటీ ఫర్ జాయింట్ లైఫ్ అనేవి ఇది. మీకు నచ్చిన ఆప్షన్ ఎంచుకోవచ్చు. ఒక్కసారి ఆప్షన్ ఎంచుకుంటే తర్వాత దీన్ని మార్చుకోవడం కుదరదు. అందుకే కొనే సమయంలోనే జాగ్రత్తగా చూసి తీసుకోవాలి.

30 ఏళ్లకు పైన వయసు కలిగిన వారు ఈ ప్లాన్ కొనుగోలు చేయొచ్చు. గరిష్టంగా 79 ఏళ్ల వరకు వయసు కలిగిన వారు కూడా ఈ ప్లాన్‌లో చేరొచ్చు. కనీసం రూ. 1.5 లక్షల మొత్తానికి పాలసీ తీసుకోవాల్సి ఉంటుంది. గరిష్ట పరిమితి అంటూ ఏమీ ఉండదు. రూ. 5 లక్షలకు పైన కొంటే అప్పుడు అధిక యాన్యుటీ పొందొచ్చు.

పెన్షన్ మొత్తాన్ని నెల, మూడు నెలలు, ఆరు నెలలు, ఏడాది చొప్పున చెల్లిస్తారు. మీకు నచ్చిన ఆప్షన్ ఎంచుకోవచ్చు. మీరు ఏడాది నుంచి 12 ఏళ్ల వరకు డిఫర్టెంట్ సెట్ చేసుకోవచ్చు. రెండేళ్ల డిఫర్మెంట్ ఎంచుకుంటే అప్పుడు మీకు పాలసీ కొన్న రెండేళ్ల తర్వాతి నుంచి పెన్షన్ చెల్లిస్తారు. ఇమ్మీడియన్ పెన్షన్ ఆప్షన్ కూడా ఉంటుంది.

మీరు రూ.10 లక్షల మొత్తానికి జీవన్ శాంతి పాలసీ కొనుగోలు చేయాలనుకుంటే.. ప్రతి నెలా ఎంత పెన్షన్ పొందొచ్చొ తెలుసుకుందాం. మీ వయసు 30 ఏళ్లు అనుకుంటే, ఐదేళ్ల డిఫర్మెంట్ ఆప్షన్ ఎంచుకుంటే మీకు ఏటా రూ. 86 వేల పెన్షన్ వస్తుంది. ఇక 12 ఏళ్ల డిఫర్మెంట్ ఆప్షన్ అయితే అప్పుడు రూ. 1.32 లక్షలు వస్తాయి.

See also  Eye glasses cleaning tips: మీ కళ్లజోడుపై గీతలు, మరకలు పడ్డాయా? ఈ 4 టిప్స్ నిమిషాల్లో మెరిసిపోతుందట..

ఇంకా మీ వయసు 45 ఏళ్లు అనుకుందాం. ఇప్పుడు మీరు రూ.10 లక్షలు పెట్టి ఈ ప్లాన్ కొంటే.. ఐదేళ్ల డిఫర్మెంట్ ఆప్షన్ అయితే మీకు రూ. 90 వేల వార్షిక పెన్షన్ వస్తుంది. ఇక 12 ఏళ్ల డిఫర్మెంట్ ఆప్షన్ అయితే ఏడాదికి రూ. 1.42 లక్షలు వస్తాయి. అంటే నెలకు దాదాపు రూ.12 వేలు వస్తాయి.